iTunes-д хаяг нээснээрээ та бүхэн App Store-оос үнэтэй, үнэгүй application-ууд татан авч хэрэгсэлдээ суулгах боломжтой болно.
(Видео заавар бэлдэж нэмж оруулав. Дуу нь аяархан байж магадгүй дуугаа чангалаад үзээрэй. Шаардлагатай бол доороос уншаарай. )

Юуны түрүүнд та iTunes татан авч суулгасан байх ёстой нь тодорхой шүү дээ.

Бэлэн болсон бол дараах зааврын дагуу хаяг (account) нээнэ.

Алхам 1.

iTunes-д байх App Store цэсийг сонгоно.

Алхам 2. 

Баруун дунд хэсэгт байх Free apps цэсээс дурын нэг application-ыг сонгож Free буюу инсталл товчийг дараарай.

Алхам 3.

Ингэхэд таны бүртгэлийн нэр, нууц үгийг асуух бөгөөд дээд талд нь Create new account гэж байгааг дарна.

Алхам 4.

Дараах хуудсанд Continue товчийг дарна уу.

Алхам 5.

За тэр дүрэм, журмыг уншиж ойлгоод зөвшөөрч буй гэдгийг идэвхижүүлээрэй. Тэгээд мөн Continue дарж цааш үргэлжилнэ.

Алхам 6.

За энэ хэсэг дээр жаал анхааралтай байж англиар бус Монголоор бичсэн тайлбарыг ойлгож уншаарай. Зарим нэг нөхдүүд нууц үгээ оруулж болохгүй байнаа, жишээ өгөөчээ гэх юм бол Chadahgui123 гэж хариулах болно шүү.  Бөглөж дуусаад Continue дарна. И-мэйл хаягыг оруулахдаа заавал бодит буюу нэвтрэх боломжтой хаягаа оруулаарай. Тэгэхгүй бол энэ зааврын дагуу хийгээд ч хэрэггүй. Төгсгөлд нь заавал и-мэйлээрээ орж баталгаажуулах хэрэгтэй болдог.

Алхам 7.

Одоо нөгөө нэг олдодгүй, гарч ирдэггүй None гэсэн сонголт гарч ирэх болно доо.

Алхам 8.

None сонголтыг идэвхижүүлээд доорхи хэсгийг бөглөнө. За бас л Монголоор тайлбар бичсэн байгаа тул хангалттай ойлгомжтой байгаа бизээ гэж найднам. Харин тэр Salutation цэснээc Ноён, Хатагтай, Доктор, Профессор хэн болохоо зааж өгөөрэй. Харин хаяг бичих хэсэгт заавал бодит хаяг байх ёстой гэдгийг дахин сануулъя. Тэгэхгүй бол хэдийгээр ямар ч асуудалгүй цааш үргэлжилэх боловч дараад нь татаж авсан application-оо суулгах гэхээр Billing info гэж гарч ирээд хаяг шалгахад огт байхгүй байна гэх болно. Дахин дахин ажил болгож байснаас энэ удаа нэгмөсөн ямар нэг хаяг оруулчих. Хэрвээ та гадаадад байдаг бол бас тухайн улсынхаа App Store-ыг ашиглах гэж байгаа бол асуудал юу байх билээ. Харин Монголд амьдардаг болон өөр улсын App Store хэрэглэх хүсэлтэй хүмүүс нь Гүүглээс ямар нэгэн хаяг олоод бичээрэй. Утасны дугаарын эхний оронгууд мөн тухайн улс, мужтайгаа таарч байх хэрэгтэй.

Алхам 9.

Та хаяг амжилттай нээхэд нэг алхам үлдлээ.  Done товчийг дарж энэ хэсэгт дуусгасны дараа алхамд 6-д дурьдсаны дагуу таны и-мэйл хаягаар Apple-аас ирсэн захианд байгаа линкийн дагуу орж баталгаажуулна.

Алхам 10.

Арай дуусаагүй байна шүү, хүмүүс ээ. iTunes-ын дээд хэсэгт байх цэснүүдээс Store цэсийг сонгож Authorize This Computer дарна шүү.

Алхам 11.

Ингэхэд танаас бүртгэлийн нэр, нууц үг шаардах бөгөөд түрүүн үүсгэсэн хаяг тань одоо таньд шууд л хэрэг болж эхлэх нь. За ингээд ашиглаад байж дээ. Амжилт!